Përgjaket Champions League, ISIS vrau 12 tifozë të Real Madrid para penalltive (Foto)

Fitorja e Champions League është shpërfytyruar' nga lajme jo të mira që vijnë nga Iraku.

Nga raportimet, mësohet se 12 persona janë vrarë teksa shihnin finalen e Champions. Viktimat ishin të moshës nga 18 deri në 30-vjeç, me shtetësi irakiene.

Ngjarja ndodhi disa çaste para gjuajtjes së penalltive, në një lokal në Baakouba, 60 km në veri të Bagdatit, ku mblidheshin fansat e Realit.

“Daliy Star” shkruan se katër persona të armatosur hynë në lokal dhe filluan të qëllonin duke lënë 12 viktima, e më pas u larguan. Raportohet se edhe tetë persona mbetën të plagosur rëndë.

Sipas autoriteteve irakiane, përgjegjës për sulmin është ISIS.

Kujtojmë se në 13 Maj, 16 tifozë të Real Madrid mbetën në vrarë nga një sulm i ngjashëm terrorist në Samarra, Irak.

Pak pas fitores së djeshme, presidenti i madrilenëve, Florentino Perez, ia dedikoi fitoren 16 personave që humbën jetën dy javë më parë.

 

Ndalohen komentet që përmbajnë gjuhë denigruese dhe fjalë ofenduese ndaj individëve dhe ndaj grupeve specifike, si dhe komentimet që s'kanë të bëjnë me artikullin. Reporteri.net mban të drejtën e fshirjes së komenteve që thyejnë rregullat e komunikimit.