Video e paparë: Kur burrat nga Gjermania niseshin për të vdekur për UÇK-në në Kosovë

Kjo është një nga videot më emocionuese të kohës së luftës të cilën sot ne kemi fatin ta shohim falë filmimeve ekskluzive të Besfortë Hasanajt (Chibisit).
Ishte viti 1999 kur burrat mërgimtarë nga Gjermania, duke parë vuajtjet që po pësonte Kosova, kishin vendosur t'u dilnin në ndihmë duke ardhur vullnetarë.

Ata kishin lënë jetën më të mirë për të çuar në vend amanetin e Adem Jasharit, Fehmi Lladrovcit e shumë luftëtarëve të tjerë.

Besfort Hasanaj tregon se si i kishin rrjedhur lotët duke filmuar këtë video të cilën e kishte transmetuar edhe në TVSH.

“Një nga shumë xhirimet e mira ku më rridhnin lotët duke e filmuar. Koha kur diaspora shqiptare vullnetarisht linin Gjermaninë për të shkuar në luftë në Kosovë dhe për t'iu bashkuar UÇK-së”, shkruan ndër të tjerë Hasanaj. Shikojeni këtë video të rrallë të cilën e ka realizuar “Chibisi'".

Ndalohen komentet që përmbajnë gjuhë denigruese dhe fjalë ofenduese ndaj individëve dhe ndaj grupeve specifike, si dhe komentimet që s'kanë të bëjnë me artikullin. Reporteri.net mban të drejtën e fshirjes së komenteve që thyejnë rregullat e komunikimit.