Shpend Ahmeti sërish te Devollët kësaj radhe në garën në pikado (Foto)

Shpend Ahmeti nuk po mundet assesi të ndahet nga Devollet. Pas jahtit dhe shumë aktiviteteve të mëhershme të tyre nëpër Prishtinë, por edhe tenderëve të dhëna për ta nga Komuna e Prishtinës, është edhe një aktivitet rekreativ që ka bërë bashkë Ahmetin dhe Devollet, raporton Gazeta Fjala.

Në një sport bar në Prishtinë ditë më parë u organizua një garë në pikado dhe gara ishte sponsorizuar nga Birra Peja dhe Uji AKULL, prona të Devollëve.

Në këtë garë, siç shihet edhe nga kjo fotografi, ka qenë i pranishëm edhe kreu i Prishtinës që vjen nga radhët e Vetëvendosjes.

Ahmeti përveç tjerash ka deklaruar se ka miqësi të ngushtë me drejtorin e Birrës Peja. Birra Peja ka organizuar disa aktivitete në Prishtinë me përkrahjen e komunës./Gazeta Fjala/.

 

Ndalohen komentet që përmbajnë gjuhë denigruese dhe fjalë ofenduese ndaj individëve dhe ndaj grupeve specifike, si dhe komentimet që s'kanë të bëjnë me artikullin. Reporteri.net mban të drejtën e fshirjes së komenteve që thyejnë rregullat e komunikimit.