Do të garojmë të vetëm në zgjedhje

Kryetari i Lëvizjes Vetëvendosjes, Visar Ymeri si dhe ish-deputeti nga kjo parti, Glauk Konjufca mbajtën një konferencë për media ku u bë e ditur se kjo partia garon përfundimisht e vetme në zgjedhjet e parakohshme të 11 qershorit.

Ymeri ka thënë se LDK ka qenë më shumë e interesuar të bisedojë si të ruhet LDK’ja, sesa të bisedojnë për qeverisje të mirë apo rrëzim të qeverisjes së PDK’së.

“Afati për koalicione ka përfunduar dhe Lëvizja Vetëvendosje është duke u përgatitur që të garojë e vetme. Edhe Asociacioni edhe Demarkacioni ishin gabim”, tha Ymeri, duke shtuar se program i kësaj partie i bënë ata subjektin më të besuar partiak në vend.

Ymeri, ‘koalicionet e natës’ i ka quajtur ‘koalicione të panikut’.

“Zgjedhjet e 11 qershorit janë mundësi vetëm nëse përdoren për ta ndryshuar politikën e keqe të koalicionit PDK-LDK”, tha Konjufca.

Sipas tij, qytetari ka nevojë për ndryshim rrënjësor të politikave qeverisëse, e këtë nuk mund ta bëjnë ata që ishin deri sot në pushtet.

Ai tha që edhe pse u ofruan poste nga partitë e tjera, ata asnjëherë nuk hynë ne koalicion me PDK’në.

“Një hapësirë e re politike do të lind vetëm atëherë kur qytetari ta ndryshojë politikën e koalicionit PDK-LDK”, tha Konjufca, përcjell gazetametro.net

Ai ftoi votuesit e zhgënjyer të partive që ishin në pushtet të votojnë për Vetëvendosjen.

“LDK’ja dorëzohet shumë shpejt nëse i jep pushtet”, shtoi Konjufca. 

Ndalohen komentet që përmbajnë gjuhë denigruese dhe fjalë ofenduese ndaj individëve dhe ndaj grupeve specifike, si dhe komentimet që s’kanë të bëjnë me artikullin. Reporteri.net mban të drejtën e fshirjes së komenteve që thyejnë rregullat e komunikimit.