NDIKIMI RUS NË REGJION, RIKTHEHET AMERIKANI HYOT BREAN YEE

Zv.ndihmës Sekretari American i Shteti Hyot Brean Yee do të zhvillojë një tjetër tur takimesh në vendet e rajonit, përfshi edhe Shqipërinë. Disa javë më parë ai i dha zgjidhje krizave politike në Kosovë, Shqipëri dhe Maqedoni.

Agjenda e zyrtarit të lartë American ka të bëjë me zhvillimet në rajon, veçanërisht me rrezikun nga ndikimi rus, luftën kundër terrorizmit, shtetin ligjor.

Burime diplomatike bëjnë me dije se Hyot Brian Yee do të jete në Shqipëri edhe në kuadër të zgjedhjeve parlamentare të 25 qershorit, ku do të kryesojë ekipin e vëzhguesve të Shba, në përbërje të të cilit janë edhe kongresmenë dhe anëtarë të komitetit të Helsinkit, shkruan 360grade.al 

Gjatë vizitës në Tiranë, z. Yee do të ketë gjithashtu në vëmendje zbatimin e pikave të marrëveshjes McAllister plus, veçanërisht përsa i takon reformës në drejtësi dhe zbatimit të saj, ku përfshihet edhe Vettingu.

Kujtojmë se vizita e fundit e Yee në Tiranë ishte në mesin e muajit maj, ku pas takimeve me krerët me të lartë të politikës në vend u arrit edhe marrëveshja me opozitën. Vizita e Yee gjithashtu zhvillohet në një kohë kur Kosova do ketë mbajtur zgjedhjet parlamentare dhe do ketë qeverinë e re.

Ndalohen komentet që përmbajnë gjuhë denigruese dhe fjalë ofenduese ndaj individëve dhe ndaj grupeve specifike, si dhe komentimet që s'kanë të bëjnë me artikullin. Reporteri.net mban të drejtën e fshirjes së komenteve që thyejnë rregullat e komunikimit.