Arratia e dëshmitarit për një vrasje në Skenderaj

 

 

Aktakuza e ngritur ndaj vëllezërve Geci bazohet kryekëput në dëshminë e Jetullah Behramit, këshilltarit të LDD’së që ndodhet në arrati. Sipas aktakuzës, të cilën e ka siguruar Express, Behrami i ka parë me sytë e tij Hetem, Rrustem dhe Sabit Gecin duke vrarë në qendër të Skenderajt Vehbi Berishën, e po ashtu që të tretë i ka parë teksa kanë dalë nga një dhomë spitali pas ekzekutimit të Gani Berishës.

Jetullah Behrami gjendej në çdo vend më 18 qershor të vitit 1999.

Ditën kur forcat serbe u larguan nga Skenderaj, në qendër të kësaj qyteze u vranë dy vëllezër, Gani dhe Vehbi Berisha.

Jetullah Behrami po ashtu ishte edhe në spital kur Gani Berisha u dërgua i plagosur e më vonë edhe aty kur dikush qëlloi me plumba mbi trupin e tij.

Tash kur janë bërë 13 vjet e më shumë nga ngjarja, prokurori i EULEX’it ka ngritur aktakuzë ndaj vëllezërve Hetem dhe Rrustem Geci dhe Sabit Geci.

Krejt aktakuza bazohet në deklaratën e Behramit, i cili ka më shumë se gjashtë muaj që ka ikur jashtë Kosovës.

Ai në dëshminë e tij që ka dhënë për prokurorinë ka thënë se më 18 qershor ishte në Skenderaj duke festuar faktin se forcat serbe veç sa ishin larguar nga qyteti.
 

Ndalohen komentet që përmbajnë gjuhë denigruese dhe fjalë ofenduese ndaj individëve dhe ndaj grupeve specifike, si dhe komentimet që s’kanë të bëjnë me artikullin. Reporteri.net mban të drejtën e fshirjes së komenteve që thyejnë rregullat e komunikimit.