Sonte u shëruan 18 persona nga coronavirusi.

Në mesin e këtyre del të jetë edhe një fëmijë 9 muajsh.

Kështu ka bërë të ditur komuna e Malishevës përmes një njoftimi, ku më tej thuhet se në këtë qytet ka shkuar në 73 numri i të shëruarve nga coronavirusi, shkruan Reporteri.net.

Njoftimi:

Sonte përfundimisht është shëruar edhe një fëmijë nëntë muajsh, që ishte prekur me virusin korona, javë më parë. Kjo është konfirmuar në komunikimin zyrtar me Institutin Kombëtar të Shëndetësisë Publike, pasi e njëjta ka dalë negativ në dy testimet e fundit dhe konsiderohet plotësisht e shëruar. Me këtë, numri i të shëruarve në Komunën e Malishevës, shkon në 73 të shëruar, ndërsa raste aktive mbesin e dy.

Po ashtu gjatë ditëve në vijim, pritet të shërohen edhe dy pacientët tjerë.

Me këtë rast, nënkryetari i Komunës së Malishevës, Hajdin Berisha, në emër të Shtabit Emergjent Komunal, e ka uruar fëmijën e shëruar dhe dy rasteve aktive, ju ka dëshiruar shërim të shpejtë. “Ky rast i shëruar, ishte në mesin e disa rasteve të tjera, të cilët ende nuk i kishin mbushur një vit, dhe ishte në mesin e 76 të prekurve, dhe natyrisht se ky lajm na gëzon të gjithë neve”, tha nënkryetari Berisha.

Gjendja aktuale me COVID-19 në Komunën e Malishevës, është kjo: 76 të prekur me COVID-19, prej tyre 73 janë shëruar, 2 raste janë ende aktive, ndërsa një rast ka pësuar me fatalitet. /Reporteri.net/.