Ismaili i PDK'së për laboratorin e Devollëve: Jo pasurim të oligarkëve, të vendosen tavane për çmimet e testeve për COVID-19

Lajme

Ismaili i PDK’së për laboratorin e Devollëve: Jo pasurim të oligarkëve, të vendosen tavane për çmimet e testeve për COVID-19

Reporteri

31 Gusht 2020 | 10:40

Sekretari i Përgjithshëm i PDK-së, Uran Ismaili, ka kritikuar ashpër Qeverinë dhe udhëheqjen e Ministrisë së Shëndetësisë, të cilët po ndihmojnë pasurimin e oligarkëve e po varfërojnë qytetarët.

Ismaili ka kërkuar që me urgjencë të ndalohet zhvatja në emeër të shëndetit të qytetarëve dhe të vendoset tavani i çmimit për testime në laboratoret private.

“Nuk duhet të lejojmë asnjë kompani, sado e fuqishme të jetë ajo, të pasurohet padrejtë në kurriz të pacientëve tanë. Shëndeti dhe mirëqenia e qytetarëve nuk mund të rrezikohet për shkak të interesave financiare të askujt”, ka thënë Ismaili.

Lexo edhe:

Abdixhiku insiston në Qeveri të Unitetit: Gjendja e tanishme është karikaturë politike, duhet marrëveshje politike

Vizita te Hamza e Atiq, Kurti: Folëm për bashkëpunimin qeveri-komunë dhe projektet e përbashkëta

Përurohet objekti i ri i Stacionit Policor në Zveçan, ZKM ndan pamje si duket nga brenda

Deklarata e plotë e Uran Ismailit:

Shëndetësia duhet të çlirohet njëherë e përgjithmonë nga monopolet dhe keqpërdorimet që pasurojnë oligarkët dhe varfërojnë qytetarët. Mbrojtja e shëndetit të qytetarëve dhe e xhepit të tyre duhet të jetë parimi kryesor i të gjitha politikave shëndetësore.

Për këtë arsye, hapi i radhës në ndalimin e zhvatjes në emër të shëndetit do të ishte vendosja e tavanit të çmimit për testime në laboratoret private.

Që nga fillimi i pandemisë e kam kërkuar një gjë shumë të thjeshtë: testimin masiv të popullatës. Fatkeqësisht asnjëra qeveri nuk arriti të bëjë këtë. Licencimi i institucioneve private për testim është hap para në luftimin e pandemisë, por kurrsesi nuk duhet të shihet si zëvendësim i testimit falas të organizuar nga shteti.

Për të mbrojtur qytetarin nga predatorët financiarë, para se të licencoheshin laboratoret private, Qeveria është dashur të vendoste tavanet e çmimeve për të gjitha shërbimet që ndërlidhen me pandeminë.

Nuk duhet të lejojmë asnjë kompani, sado e fuqishme të jetë ajo, të pasurohet padrejtë në kurriz të pacientëve tanë. Shëndeti dhe mirëqenia e qytetarëve nuk mund të rrezikohet për shkak të interesave financiare të askujt.

https://www.facebook.com/uismaili/posts/686515941946303?__xts__%5B0%5D=68.ARADOnY2S2WoYegDXGcpeztgwY4tnpP0ldVt81liuOCIib7zbGgr1dUtdqM5n0Ljp1lHCgoO_XAEsCgq76PjGL6r6R4552ib6GxfCGnQ9zzia5JLlSVdigYXGU7vTgRAZSXIOHGK_Q0tQ7aRUKKSCIOcp-EchDBUq3cRnwqF_9Fy1YXdzp1gob0xtjZqQJ9IwvYjz6Dzm3iaxD30Pu0EXVK1YNCDmd6bG8I8rRL_sc5gC-RkNmx2kMzODkm8bQslYSy_ypGh7-1MW-yFnFRwDDJiHk_IwXrynaiXAgL0LlsSJcWEkG29tSVCSoBk9K5HtReG54WukA9G1khMvyk&__tn__=-R

/Reporteri.net/

Shpërndaje: