Italia ka konfirmuar 19,644 raste të reja me koronavirus në 24 orët e fundit, nga 177,669 teste të kryera.

Rajoni me numrin më të madh të rasteve ditore është Lombardia (+4.959). Kurse, totali i të infektuarve në vend është 504,507.

Nga ana tjetër, 151 vdekje janë raportuar në 24 orët e fundit, për një total prej 37,210 që nga fillimi i pandemisë.

Në nivelin kombëtar, të shtruarit në njësitë e kujdesit intensiv u rritën me 79 (1,128 në total), ndërsa 738 pacientë të tjerë ndodhen të shtruar në pavijonet Covid.

Numri i të shëruarve për sot është 2,309. Nga ana tjetër, 203,182 persona janë aktualisht pozitivë për Covid-19. s.b/abcnews.al/