×
  • Lajme
  • Botë

    Radioaktiviteti 16 herë më i lartë se normalja pas shpërthimit në Rusi, frikë për një Çernobil të dytë

    Reporteri
    14 Gusht 2019 | 10:58

    Nivelet e rrezatimit pranë vendit ku ndodhi një shpërthim vdekjeprurës i raketave në veriun e largët të Rusisë u regjistruan 16 herë mbi normalen, tha shërbimi i motit Rus.


    Rosgidromet mati nivelet e rrezatimit në qytetin portual të Severodvinsk pas shpërthimit.

    Shpërthimi ndodhi në brigjet e qytetit në një bazë ushtarake në Detin e Bardhë të enjten e kaluar.

    Agjensia shtetërore bërthamore e Rusisë, Rosatom, tha se një motor me bërthamë po testohej.

    Pesë nga shkencëtarët e saj u vranë dhe tre u plagosën në aksident , pranë fshatit Nyonoksa, tha agjensia.

    Leximet për rrezatimin gama në gjashtë stacione testimi në Severodvinsk, një qytet me 180,000 njerëz, shkonin nga 4 deri në 16 herë mbi nivelin normal të lejuar prej 0.11 mikroskursë në orë, tha Rosgidromet.

    Një lexim prej 1.78 mikrosievert në orë u zbulua në një stacion, shumë më lart se niveli normal, por nën nivelin e rrezikshëm. Edhe në këto nivele, rrezatimi do të paraqiste pak dëme te njerëzit, sipas ekspertëve bërthamorë.

    Gjetjet e shërbimit të motit kundërshtojnë raportet fillestare nga zyrtarët e Severodvinsk.

    Autoritetet në Severodvinsk, 47 km në lindje të Nyonoksa, thanë që nivelet e rrezatimit menjëherë pas shpërthimit ishin më të larta se normale për rreth 40 minuta, por u kthyen në normalitet. Në të kundërt, Rosgidromet tha se goditja zgjati dy orë e gjysmë.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!