Presidenti i SHBA-ve, Donald Trump në vitin 1992 organizoi një festë me miliarderin Jeffrey Epstein, i cili aktualisht është duke u gjykuar për trafikimin e qenieve njerëzore, veçanërisht nën akuzat për abuzim seksual, përdhunimin dhe prostituimin e të miturve. Më i riu në mesin e tyre ishte 14 vjeç, shkruajnë mediat e huaja, transmeton Reporteri.net.
Mediat amerikane kanë publikuar pamjet nga një festë e çmendur ku Trump dhe Epstein shihen të rrethuar nga një numër vajzash, tifoze të klubit amerikan Buffalo Bill. Gjithçka ndodh në Trump Club Mar-A-Lago.
Në një moment ai shihet duke prekur njërën nga vajzat, gjersa në një tjetër Trump i tregon Epsteinit një vajzë ndërkohë që i flet diçka në vesh.
https://twitter.com/iZairois/status/1151474385318010882
Edhe pse për shkak të muzikës nuk dëgjohet, NBC shkruan se këto kanë qenë fjalët që Trump i ka thënë miliarderit të akuzuar për pedofili: “Shikoje atë, atje pas … Është e bukur”. Pastaj ai thotë diçka tjetër që është e pamundur të përcaktohet, pas çka Epstein pothuajse rrëzohet duke qeshur.
New York Times raporton se Trump ka organizuar këtë festë private vetëm për miliarderin Epstein dhe për vete./Reporteri.net