Biznesmeni i njohur malazez Miodrag Daka Davidoviq u sulmua mbrëmë në Beograd.

Sipas informacioneve zyrtare, ai u qëllua nga një person i panjohur para hotelit “Crown Plaza. Davidoviq njihet gjithashtu si një tregtar armësh me lidhje të forta politike, transmeton Reporteri.net.

Ai ishte në qendër të vëmendjes publike pas revolucionit anti-burokratik në Mal të Zi në 1989, kur ai punoi si menaxher financiar në hekurudhat Boris Kidriq në Nikshiq.

Davidoviq është ndryshe kumbari i Momir Bulatoviq, ish president malazez.

Ai është pronar i kompanisë “Neksan”, e cila ishte e angazhuar në prodhimin e verës dhe pijeve alkoolike, si dhe në ndërtimin e ndërtesave. Kompania Neksan e Davidoviq zotëronte gjithashtu Hotelin Admiral të Budvas, të cilin e bleu dy vjet më parë nga Metropol Ruse Group.

Davidoviq njihet si mik i afërt i Momir Bulatoviq, ish kryetar i Malit të Zi  dhe kryetar i Qeverisë federative të RF të Jugosllavisë, i cili ndërroi jetë gjatë kësaj vere, në moshën 63-vjeçare. /Reporteri.net