×
  • Lajme
  • Botë

    Fauci: Në fund të muajit nëntor do të kuptohet nëse një vaksinë është efektive kundër COVID-19

    Reporteri
    25 Tetor 2020 | 13:59

    Eksperti amerikan i sëmundjeve infektive, Anthony Fauci, tha të dielën se do të kuptohet në fund të muajit nëntor dhe në fillim të dhjetorit nëse një vaksinë është e sigurt kundër coronavirusit.


    Mirëpo, sipas tij, vaksinimi i gjerë nuk pritet të ndodh për disa muaj, përkatësisht deri vonë në vitin 2021, raporton Reuters, përcjell Telegrafi.

    “Ne do ta marrim vesh në fund të muajit nëntor ose në fillim të dhjetorit, nëse një vaksinë është efektive dhe e sigurt”, tha Fauci.

    “Vaksinimi i një pjese të konsiderueshme të popullsisë ka gjasa të mos ndodh deri në tremujorin e dytë ose të tretë”, u shpreh eksperti amerikan.

    Pandemia e coronavirusit e cila shpërtheu muaj më parë në Wuhan të Kinës, ka prekur globalisht më shumë se 42 milionë persona si dhe ka lënë të vdekur 1.1 milion prej tyre.

    Ekspertët e huaj deklarojnë se menaxhimi i sëmundjes mund të arrihet më lehtë me një vaksinë efektive kundër saj; mirëpo në mungesë të ilaçit ata bëjnë apel për respektimin e masave parandaluese.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!