×
  • Lajme
  • Botë

    Franca do ta mbyllë reaktorin më të vjetër bërthamor

    Reporteri
    19 Shkurt 2020 | 15:35

    Kryeministri francez, Edouard Philippe, tha të mërkurën se reaktori bërthamor “Fessenheim”, i ndodhur afër kufirit me Gjermaninë, do të mbyllet plotësisht në fund të muajit qershor, ndërsa një pjesë e tij do të mbyllet këtë fundjavë.


    Përmes një deklarate, kryeministri Phillipe këtë vendim e cilësoi si fazë të parë të strategjisë energjetike të Francës, të caktuar në vitin 2018 nga presidenti i Francës, Emmanuel Macron. Në këtë plan përfshihet baraspeshimi i energjisë bërthamore dhe asaj që fitohet nga burimet e ripërtëritshme.

    Në këtë deklaratë gjithashtu u tha se nxjerrja e thëngjillit në termocentrale gjithashtu do të përfundojë në vitin 2022 me qëllim të zvogëlimit të gazrave dhe mbrojtjes së klimës.

    Reaktori numër 1 do të pushojë së funksionuari të shtunën, ndërsa i tërë kompleksi bërthamor do të mbyllet më 30 qershor, thuhet në njoftim.

    Gjermania ka kërkuar për një kohë të gjatë që ky reaktor të mbyllet. Ai është reaktori i parë që do të mbyllet sipas planit të presidentit Macron.

    Franca i siguron rreth dy të tretat e energjisë elektrike nga burimet bërthamore, më shumë se çdo vend tjetër, shkruan “France24”.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!