Bavaria mund të ketë përmbytje të menjëhershme, paralajmërojnë zyrtarët, ndërsa të mbijetuarit e përmbytjeve të javës së kaluar në të gjithë Gjermaninë përgatiten për mot të keq.

Reshjet dhe stuhitë do të godasin Gjermaninë Perëndimore të shtunën, njoftoi shërbimi i motit i vendit DWD. Në shtetin jugor të Bavarisë, ekspertët e motit paralajmëruan se “përmbytje ekstreme të shpejta” ishin të mundshme, shkruan DW, transmeton lajmi.net.

Parashikimi vjen pasi Gjermania ende është duke u rikuperuar nga përmbytjet katastrofike që rezultuan në pothuajse 200 njerëz që humbën jetën. Rreth 30,000 të mbijetuar janë ende pa energji elektrike ose ujë të pijshëm.

Përmbytjet kanë shkatërruar rajone të shumta në shtetet e Nordrhein-Westfalen dhe Rheinland-Pfalz, të cilat tani po përgatiten për reshje edhe më të mëdha.

Agjencia e motit paralajmëroi gjithashtu për rritjen e rrezikut të stuhisë në shtetin e Saarland, i cili kufizohet me Rheinland-Palatinate. Rajonet jugore të Alpeve të Gjermanisë, afër Zvicrës dhe Austrisë, janë gjithashtu në rrezik të “shtrëngatave të forta me shi të fortë dhe breshër”.

Autoritetet gjermane thanë se po përdornin rrjetet sociale dhe fletushka për të paralajmëruar njerëzit në zonat që mund të preken.

Stuhitë e fundjavës të parashikuara do të përfshijnë reshje të mëdha shiu, stuhi dhe breshër, por nuk ka gjasa të jenë aq të forta sa javën e kaluar. Ekspertët e motit gjithashtu thanë që stuhitë pritet të “lokalizohen në mënyrë rigoroze”.

Gewitterschema für den heutigen Samstag & den morgigen Sonntag, Stand 11 Uhr. Heute zwei Schwerpunkte, an den Alpen und im Westen von RP bzw. dem Saarland. Dort erhöhtes Unwetterpotential durch schwere Gewitter mit heftigem Starkregen, Sturmböen oder scheren Sturmböen und Hagel. pic.twitter.com/LLGCfPsyy7

— DWD (@DWD_presse) July 24, 2021