×
  • Lajme
  • Botë

    Kallëzim penal ndaj princit saudit për vrasjen e gazetarit Khashoggi

    Reporteri
    02 Mars 2021 | 19:21

    Organizata Reporterët pa Kufij ka dorëzuar një kallëzim penal në Gjermani, kundër princit saudit Muhammed bin Salman dhe disa zyrtarëve të lartë sauditë, duke i akuzuar ata për krime kundër njerëzimit lidhur me vrasjen e gazetarit Jamal Khashoggi më 2018.


    Ankesa me 500 faqe, e dorëzuar te prokurori publik gjerman në gjykatën federale të drejtësisë në Karlsruhe, përqendrohet mbi persekutimin “e përhapur dhe sistematik” të gazetarëve në Arabinë Saudite, duke përfshirë arrestimin arbitrar të 34 gazetarëve atje dhe vrasjen e Jamal Khashoggi, kolumnist i Washington Post.

    “Këta gazetarë janë viktima të vrasjeve të paligjshme, torturave, dhunës seksuale dhe detyrimit dhe zhvendosjes me forcë”, tha Christophe Deloire, sekretari i përgjithshëm i Reporterëve pa Kufij, në një konferencë shtypi të martën, shkruan The Guardian.

    Kallëzimi penal vjen disa ditë pas publikimit të një raporti nga inteligjenca e SHBA-së që thotë se princi saudit miratoi vrasjen e Khashoggit.

    Ndërsa, princi Mohamed ka mohuar çfarëdo përfshirje në vrasjen e Khashoggit.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!