Këshilli i Sigurimit i Kombeve të Bashkuara miratoi njëzëri rezolutën e kërkuar prej Britanisë së Madhe për barazi në qasjen ndaj vaksinave kundër pandemisë COVID-19.
Rezoluta e miratuar, e dyta në një vit e Këshillit të Sigurimit mbi pandeminë, bën thirrje, gjithashtu, për solidaritet në botë, për të luftuar virusin dhe për të kryer vaksinimet pa diferencime.
Ndërkaq San Marino ka nisur vaksinimin e popullsisë me doza ruse, Sputnik V.
Sipas autoriteteve kjo është një dritë në fund të tunelit pas dy muajsh pritje nga ana tjetër edhe kufizimet vazhdojnë.
Parlamenti i Sllovakisë ka miratuar kërkesën për të zgjatur gjendjen e jashtëzakonshme.
Vendimi i parë për kufizimet u miratua më 1 tetor dhe është zgjatur disa herë.
Me miratimin e fundit të parlamentit gjendja do të qëndrojë në fuqi deri më 19 mars.
Ndër të tjera, vendimi parashikon rekrutimin dhe transferimin e detyruar të punonjësve shëndetësorë dhe ndalimin e tubimeve.
Edhe Greqia zgjat bllokimin e rreptë në disa rajone.
Dy komuna në Selanik , Kalymnia dhe Kordelio-Evosmos dhe Njësitë Rajonale të Evisë me përjashtim të Skyros mbeten në nivelin e rrezikut shumë të lartë.
Ndërkaq “Njësitë Rajonale të Lefkada-s (përveç Meganisi), , do të hyjnë në nivelin e “rrezikut të rritur” nga kjo e shtunë dhe deri më 8 mars”.
Shqetësim mbetet rritja e numrit të shtrimeve të reja në spital, që tejkaluan 2500 pacientë, duke vënë dukshëm në presion sistemin shëndetësor, me 88% të kujdesit intensiv Covid të zënë.
Në total prej nisjes së pandemisë janë infektuar në mbarë botën. 114 milionë persona prej të cilëve janë rreth 22 milionë pacientë ende në kurim.