Udhëheqësi i Koresë së Veriut, Kim Jong-un, mund të ndërpresë bisedimet për denuklearizimin me SHBA-në dhe të rifillojë programet mbi raketat dhe testimet bërthamore.

Zëvendësministrja e Jashtme, Choe Sun-hui u tha diplomatëve të huaj se SHBA-ja hodhi poshtë “një mundësi të artë” gjatë takimit mes Presidentit Trump dhe Kim Jong un në Vietnam.

Koreja e Veriut  ofroi gjatë bisedimeve çmontimin e kompleksit të saj kryesor bërthamor Yongbyon.

Por bisedimet u prishën pasi Trump refuzoi të hiqte sanksionet nëse Koreja e Veriut nuk shkatërron të gjitha vendet e saj bërthamore.

Kim së shpejti do bëjë një njoftim zyrtar lidhur me bisedimet e ardhshme me SHBA-në, tha Choe në Phenian.

“Nuk kemi ndërmend të plotësojmë kërkesa, as nuk jemi të gatshëm të angazhohen në negociata të këtij lloji,”-tha ajo për gazetarët në Korenë e Veriut.

Sun-hui akuzoi SHBA-në se do mbajë një qëndrim prej ‘gangsteri’.