Ministri i Jashtëm rus, Sergei Lavrov ka thënë se Kombet e Bashkuara duhet t’iu përgjigjen siç ka deklaruar ai “përpjekjeve të Prishtinës për t’ia hequr imunitetin e diplomatit rus Mikhail Krasnoshchekov, i cili është pjesë e misionit të UNMIK-ut në Kosovë”.
“Sjellja absolutisht e papranueshme e [autoriteteve të Kosovës ] ndaj një anëtari rus të misionit të OKB-së në Kosovë nuk mund të justifikohet në asnjë mënyrë. Përpjekjet e tyre që t’ia heqin anëtarit tonë fuqitë dhe statusin e tij, të cilat punonjësit e misionit të OKB-së kanë, është një çështje shumë serioze dhe përfaqësuesit e OKB duhet t’i përgjigjen asaj”.
Ato [autoritetet e Kosovës] kanë dalë nga duart e atyre që pretendonin se i kontrollonin. Në fakt, ata nuk e dëgjuan askënd. Bashkimi Europian dhe Shtetet e Bashkuara u përpoqën t’i udhëzonin ata, “tha Lavrov.” Dhe rezultati është i trishtuar. Si rezultat i patronazhit të këtij Perëndimi, autoritetet e Kosovës kanë ndjenjën e mosndëshkimit dhe të paligjshmërisë “, tha Lavrov, raporton agjenica ruse e lajmeve “Tass”, transmeton Klan Kosova.
Mikhail Krasnoshchekov u arrestua të martën gjatë aksionit policor në veri pasi bllokoi rrugën me veturën e UNMIK-ut duke penguar policinë të kryenin punën e tyre.
Kryeministri Ramush Haradinaj ka vendosur që shtetasi rus, Mikhail Krasnoshchenkov të shpallet si person ‘Non Grata’.