×
  • Lajme
  • Botë

    Meksika shpall gjendje emergjente shëndetësore shkaku i koronavirusit

    Reporteri
    31 Mars 2020 | 10:18

    Autoritetet meksikane e kanë shpallur gjendjen emergjente shëndetësore dhe kanë marrë masa më të rrepta për parandalimin e përhapjes së koronavirusit.


    Zyrtarët shëndetësorë i raportuan 101 raste të reja të infektimeve dhe tetë viktima për 24 orë, duke e çuar në 1094 numrin e përgjithshëm të të infektuarve dhe në 28 numrin e përgjithshëm të viktimave. Ata paralajmëruan se sistemi shëndetësor mund të stërngarkohet me pacientë, nëse nuk kontrollohet përhapja e virusit.

    Në mesin e masave të reja për luftimin e koronavirusit përfshihen ndalimi i tubimeve me më shumë se 50 pjesëmarrës dhe zgjatja e ndalimit të aktiviteteve që nuk janë thelbësore për jetesë, shkruan “Reuters”, transmeton Gazeta Express.

    “Kjo vlen rreptësisht për njerëzit mbi moshën 60-vjeçare, për ata që kanë shtypje të lartë të gjakut, për diabetikët dhe shtatzënat, pavarësisht nëse këta njerëz kanë profesione jetike apo jo”, tha zëvendësministri i shëndetësisë, Hugo Lopez-Gatell.

    Meksika është ndër shtetet me përqindjen më të lartë të popullsisë me mbipeshë dhe diabet, prandaj ekspertët kanë paralajmëruar se vendi është më i rrezikuar nga koronavirusi sesa që tregon mosha mesatare e popullsisë relativisht të re.

    Njoftimin për masat e reja e dha ministri i jashtëm, Marcelo Ebrard, i cili paralajmëroi se personat ose kompanitë që nuk i respektojnë rregullat do të përballen me ndëshkime administrative dhe penale. Gjendja emergjente shëndetësore do të mbetet në fuqi deri më 30 prill.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!