Ndërsa në SHBA tashmë ka filluar testimi i një vaksine kundër virusit pandemik, firma nga Tübingeni, CureVac, do të fillojë testimet në qershor.

Bashkimi Evropian vendosi t’i japë asaj një kredi prej 80 milionë euro. Kryetarja e Komisionit të BE-së Ursula von der Leyen tha përmes një mesazhi në twitter:

“Kam telefonuar me përfaqësuesit e CureVac, një fimë shumë inovative që po punon për të gjetur një vaksinë kundër virusit korona. BE-ja e ka mbështetur që herët hulumtimin e tyre dhe do t’i financojë sërish. Është e rëndësishme të gjendet sa më shpejtë një vaksinë që do të ndihmojë gjithë botën.”

Commissioner @GabrielMariya and I spoke with @CureVacAG, a company doing highly innovative research on vaccine against the #coronavirus. The EU has supported the company’s research early on & will now finance again. Crucial to find asap the vaccine that will help the whole world.

— Ursula von der Leyen (@vonderleyen) March 16, 2020

Më parë ishte raportuar se administrata e SHBA-ve kishte shprehur dëshirën të blinte të drejtat e vaksinimit.

Kancelarja gjermane, Angela Merkel, tha se debati për shitjen e te drjtave në Shtetetet e Bashkuara të Amerikës është “mbyllur”. Merkel përmendi deklaratat e aksionerit kryesor, Dietmar Hopp, i cili kishte thënë në një intervistë më parë se nuk do të pranonte që një vaksinë që zhvillohet në Gjermani të shitej ekskluzivisht në SHBA. / DW/