Moti i ligë kaplon Meksikën, reshjet e shiut shndërrojnë rrugët në “lumenj”

Moti i ligë ka kapluar Meksikën, e pas shirave të rrëmbyeshëm rrugët e qyteteve janë shndërruar në “lumenj” duke marrë gjithçka para vetes, madje edhe disa qytetarë që kishin mbetur jashtë.


E këtë gjë më së miri e dëshmon një video amatore e filmuar në qytetin meksikane Cuernavaca, ku shihet një grua duke u munduar të kapet në pemë pasi ujërat e rrëmbyeshëm e shtynin me shpejtësi të madhe, transmeton Telegrafi.

Personi që e filmon dëgjohet duke bërtitur “dikush ta ndihmojë”, derisa gruaja që kishte në shpinë një çantë lufton më gjithë forcën për t’i mbijetuar ujërave të rrëmbyeshëm.

Meksika shpesh goditet nga moti i ligë e në veçanti gjatë këtij muaji që konsiderohet atje “si muaji i shiut”, dhe autoritetet për këtë vazhdimisht janë në gjendje gatishmërie për më të keqen.