Nga sot Gjykata Kushtetuese e Maqedonisë ka edhe shqiptare pjesë të saj

Zëvendëskryeministër i parë i Maqedonisë së Veriut, Artan Grubi, ka njoftuar se Gjykata Kushtetuese në këtë shtet ka pranuar shqiptarët e parë të punësuar në këtë institucion, edhe atë në pozita të larta.


Kështu njoftoi vetë Grubi përmes një postimi në llogarinë e tij në Facebook, gjersa tha se të gjitha dyert po hapen.

“Dua të falënderoj për bashkëpunimin kryetarin e Gjykatës Kushtetuese, Sali Murati i cili pa rezervë vazhdimisht ka qenë i hapur që gjykata që ai udhëheq të jetë në funksion të së drejtës”, tha ai.