×
  • Lajme
  • Botë

    OBSH alarmon: Vdekjet nga COVID-19 po përshpejtohen

    Reporteri
    20 Prill 2021 | 18:48

    Organizata Botërore e Shëndetësisë (WHO), ka paralajmëruar se infeksionet nga Covid-19 janë rritur me një shpejtësi alarmante për tetë javë rresht, kurse virusi përfshihet pa u ndalur nëpër pikat e nxehta në disa vende të botës.


    Më shumë se 5.2 milionë raste të reja u regjistruan javën e kaluar, më të lartat në një javë të vetme që nga fillimi i pandemisë. Alarmi u dha nga drejtori i Përgjithshëm i OBSH-së, Tedros Adhanom Ghebreyesus gjatë një konferencë për shtyp në Gjenevë të hënën.

    Vdekjet u rritën gjithashtu për të pestën javë rresht, tha ai, me pandeminë që deri më tani ka marrë zyrtarisht më shumë se 3 milionë jetë.

    Tedros paralajmëroi që ritmi i pandemisë po përshpejtohet, edhe pse disa vende flasin për programet e tyre të përmirësuara të vaksinimit.

    “U deshën nëntë muaj për të arritur 1 milion vdekje, katër muaj për të arritur 2 milionë dhe tre muaj për të arritur 3 milionë vdekje. Secila prej këtyre vdekjeve është një tragjedi për familjet, komunitetet dhe kombet”, tha ai.

    Ai sugjeroi që barra e përhapjes së virusit mund të zhvendoset drejt të rinjve. Ai u tha gazetarëve se infeksionet dhe shtrimet në spital midis njerëzve të moshës 25 deri në 59 vjeç “po rriten me një shpejtësi alarmante”, ndoshta për shkak të varianteve shumë të transmetueshme dhe rritjes së grumbullimeve shoqërore midis të rinjve.

    Shqetësimet rreth më të rriturve të rinj që kontraktojnë Covid-19 janë raportuar tashmë nga mjekët në disa zona të nxehta, përfshirë Brazilin, ku një variant i ri ka shkaktuar një rritje shkatërruese të shtrimeve në spital dhe vdekjeve.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!