PAMJET E PARA NGA BRENDA: Muret e Notre Dame, drita reflekton vetëm përmes kryqit |FOTO/VIDEO

Më e keqja ishte shmangur – tha presidenti francez Emanuel Macron për gazetarët në vendngjarje, pasi u arrit që katedralja të mos rrënohet.


Zjarri në katedralen Notre Dame të Parisit u vendos nën kontroll të martën rreth orës tre pasdite, pas një përpjekje nëntë orëshe me zjarrin. Një zjarrfikës është plagosur rëndë, dhe fotot e para tregojnë se sa dëm është lënë prapa.

Muret janë të zeza, dhe tymi vazhdon të ngrihet nga altari. Një dritë e vogël që depërton nëpër dritare ndriçon hirin që ka mbetur në vend të relikeve të djegura.

Në zjarr, një kullë u dogj së pari, e cila pastaj u rrëzua, dhe së shpejti i tër kulmi, përcjell reporteri.net.

Zjarrfikësit arritën të parandalonin rrënimin e katedrales dhe u përpoqën të shpëtonin reliket fetare dhe veprat e paçmuara të artit.

Presidenti francez njoftoi se ka filluar një fushatë për mbljedhjen e fondeve për të filluar rindërtimin e katedrales, e cila konsiderohet si një nga shembujt më të mirë të arkitekturës gotike. /reporteri.net