Me një shfaqje spektakolare të dritës, kryeqendra e Francës sot është duke festuar 130 vjetorin e Kullës së famshme Eiffel.
Ndryshe kjo kullë ka qenë dhe vazhdon të mbetet si një ndër pikat më të vizituara turistike në gjithë Europë.
E ndërtuar në 31 Mars të 1889-s, ishin të shumtë intelektualët francezë që kundërshtonin ekzistencën e saj. Por tashmë pas 130 vitesh janë 7 milionë vizitorë që shijojnë panoramën e mrekullueshme nga kulla Eiffel.
Duhej të kishte qëndruar vetëm 20 vjet, por kulla Eiffel vazhdon të jetë në qendër të Parisit prej 130 vitesh.
Të gjithë janë dakord për bukurinë e monumentit të ndërtuar në rrugën e Champs de Mars në 31 Mars 1889 me rastin e ekspozitës universale të Parisit në të njëjtin vit.
Turistët shprehen se kulla është një ikonë pasi kur mendohet për Parisin mendohet dhe për kullën e Eiffel, e cila në ndërtimin e saj ka diçka që e bën unike.
Por kulla Eiffel nuk i pëlqente të gjithë intelektualëve të asaj kohe: nga Verlaine tek Dumas e Maupassant nuk numërohen firmat në dokumentin ku i kërkohej autoriteteve të Parisit që të ndalonin ndërtimin e kullës. Por tashmë pas 130 vitesh askush nuk lejon prekjen e saj.