Kompania e prodhimit të vaksinave “Pfizer” konfirmoi se shpërndarja e vaksinave do të ngadalësohet në fund të janarit dhe fillim të shkurtit.

Në lajm i tillë nuk është pritur fare mirë nga Bashkimi Europian, teksa një reagim të menjëhershmë ka patur Presidentja e Komisionit Europian Ursula Von der Leyen. Ajo tha se kishte kontaktuar menjëherë kompaninë nga e cila kishte marrë konfirmimin për të dorëzuar dozat e premtuara për unionin në 3 muajt e parë të vitit dhe e ka cilësuar veprimin e kompanisë si të papranueshme.

Danimarka, Estonia, Finlanda, Letonia, Lituania dhe Suedia i kërkuan Komisionit Europian të bëjë transparencë lidhur me këtë çështje, kjo nxiti edhe reagimin e menjëhershëm të Von der Leyen.

Kompania e vaksinave “Pfizer” ka theksuar ndër të tjera po punon për të prodhuar më shumë doza se sa parashikohej në fillim për të arritur objektivin e 2 miliardë vaksinave brenda vitit 2021.