Presidenti amerikan, Joe Biden po vendos një qëllim të ri të vaksinimit për të dhënë të paktën një dozë në 70% të popullsisë së rritur deri më 4 korrik.

Qëllimi i ri i cili përfshin vaksinimin e 160 milionë të rriturve deri në Ditën e Pavarësisë, vjen derisa kërkesa për vaksina ka rënë dukshëm në të gjithë vendin, me disa shtete që lënë më shumë se gjysmën e dozave të vaksinave të tyre të parenditura, raporton AP, transmeton Reporteri.net.

Biden do të bëjë thirrje që shtetet të bëjnë të disponueshme vaksinat dhe do të drejtojë shumë farmaci të bëjnë të njëjtën gjë. Administrata e tij po lëviz për herë të parë në zhvendosjen e dozave nga shtetet me kërkesë më të dobët në zonat me interes më të madh.

Tashmë më shumë se 56 përqind e amerikanëve të rritur kanë marrë të paktën një dozë të vaksinës COVID-19 dhe gati 105 milionë janë vaksinuar plotësisht.

SHBA aktualisht po administron dozat e para me një normë prej rreth 965,000 në ditë, gjysma e normës së tre javëve më parë, por pothuajse dy herë më shpejt se sa nevojitet për të përmbushur objektivin e Biden.