Presidenti izraelit nominon Netanyahu që të përpiqet të formojë qeverinë

Presidenti izraelit Reuven Rivlin njoftoi të martën se zgjodhi kryeministrin Benjamin Netanyahu të përpiqet të formojë një qeveri të re.


Siç edhe dihet, zgjedhjet e 23 marsit, të katërtat e vendit në harkun e dy viteve, rezultuan që asnjë parti të mos fitonte shumicën ose të kishte mbështetjen e mjaftueshme për të formuar një koalicion qeverisës, përcjell Telegrafi.

Kështu, Netanyahu do të ketë 28 ditë për të formuar një koalicion, me mundësinë e kërkimit të një zgjatje dy javore nëse është e nevojshme.

Dhe nëse nuk formohet asnjë qeveri gjatë asaj kohe, Rivlin mund të ngarkojë një kandidat tjetër me përpjekjen për të formuar një koalicion.

Në konsultimet e hershme të Rivlin me partitë që fituan vende në Knesset me 120 anëtarë, Netanyahu mori rekomandimet e 52 ligjvënësve, ndërsa ish-ministri i Financave, Yair Lapid kishte 45 miratime dhe ish-ministri i Mbrojtjes, Naftali Bennet kishte shtatë.

Ndryshe, Netanyahu po gjykohet për ryshfet dhe mashtrim. Ai është deklaruar i pafajshëm për akuzat.