SHBA vijon me ritme të shpejta procesin e vaksinimit kundër COVID-19. Më shumë se 202 milionë doza të vaksinës kundër koronavirusit janë bërë në SHBA, sipas të dhënave nga Qendra për Kontrollin dhe Parandalimin e Sëmundjeve (CDC).

CDC raportoi se janë administruar më shumë se 202 milionë doza, rreth 78 për qind e 258 milionë dozave të shpërndara, shkruan CNN.

Sipas të dhënave, rreth 38.5 për qind e popullsisë amerikane, gati 128 milionë njerëz janë vaksinuar me së paku një dozë dhe rreth 24 për qind e popullsisë amerikane, gati 81 milionë njerëz, janë vaksinuar plotësisht.

SHBA-ja është vendi më i goditur rëndë nga pandemia e COVID-19, ku janë regjistruar 31.5 milionë raste dhe 565 mijë viktima.