Zyrtarët amerikanë në Kinë u kanë kërkuar autoriteteve lokale që të përmbahen nga nënshtrimi i stafit amerikan që të kryejnë testet anale ndaj coronavirusit, sipas një diplomati amerikan me qendër në Kinë.

Të enjten, Kina iu përgjigj një raporti të Vice News i cili pretendonte se diplomatët amerikanë në vend po ankoheshin pasi ishin administruar testet.

“Departamenti i Shtetit nuk pranon kurrë këtë lloj testimi dhe protestoi drejtpërdrejt te [Ministria e Punëve të Jashtme të Kinës] kur mësuam se disa nga stafi i nënshtroheshin këtij testi”, i tha zëdhënësi i departamentit të shtetit CNN në një deklaratë të enjten.

“Ne kemi marrë garanci nga ministria se kjo ishte e gabuar dhe se personeli diplomatik përjashtohet nga kjo kërkesë e testimit. Ne kemi udhëzuar stafin të refuzojë këtë provë nëse u kërkohet atyre (siç ishte bërë në të kaluarën),” shtoi deklarata.

Ministria e Punëve të Jashtme e Kinës tha se nuk ishte në dijeni të administrimit të testeve anale.

Burimi diplomatik amerikan i tha CNN se përfaqësuesit e SHBA-së në Kinë kanë “negociuar me kinezët për një kohë” për të shmangur që personeli i tyre t’i nënshtrohet testeve të tilla.

Mediat shtetërore kineze kanë raportuar javët e fundit se testet e anale ishin duke u përdorur në disa raste. Disa mjekë dhe studime në Kinë i konsiderojnë ato më të besueshme sesa testet e hundës ose fytit.

“Disa pacientë asimptomatik ose ata me simptoma të vogla shërohen shpejt [nga Covid-19] dhe është e mundur që testet e fytit të mos jenë efektive për këta njerëz brenda tre deri në pesë ditë,” tha Li Tongzeng, një mjek i sëmundjeve infektive në Kinë.

Është e paqartë nëse testet anale janë më efikase në zbulimin e Covid-19.