×
  • Lajme
  • Botë

    SHBA: Që nga fillimi i pandemisë, 300,000 vdekje më shumë se zakonisht

    Reporteri
    21 Tetor 2020 | 10:36

    Një raport i ri tregon se që nga fillimi i pandemisë COVID në Shtetet e Bashkuara, janë regjistruar 300,000 më shumë vdekje se zakonisht.


    Qendrat për Kontrollin dhe Parandalimin e Sëmundjeve (CDC) gjurmuan sa vdekje u regjistruan dhe i krahasuan ato me numrat e regjistruar në vitet e mëparshme. Zakonisht ka rreth 1.9 milion vdekje në Shtetet e Bashkuara midis fillimit të shkurtit dhe fundit të shtatorit. Këtë vit, numri i të vdekurve është afër 2.2 milion, një rritje prej 14.5 përqind.

    Shumica, të moshuar

    CDC tha se COVID ishte përfshirë në rreth dy të tretat e 300,000 vdekjeve . Zyrtarët e saj theksuan se virusi koronar ishte ndoshta një faktor në shumë vdekje të tjera gjithashtu.

    Segmenti më i madh i numrit të vdekjeve, rreth 95,000, u referohet të moshuarve të moshës 75 deri 84 vjeç. Kjo është 21.5 përqind më shumë se në një vit normal. Sidoqoftë, rritja më e madhe relative, me 26.5 përqind, u regjistrua tek njerëzit e moshës 25 deri në 44 vjeç. Numri i vdekjeve midis njerëzve nën moshën 25 vjeç ka rënë pak

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!