Vëlla dhe motër Danielle Lynsey (19) dhe Amelie (15) u vranë gjatë sulmeve me bomba në lindje të Sri Lanka.
Numri i të vdekurve në një sulm terrorist mbi kishat dhe hotelet luksoze në Sri Lanka gjatë ditës së sotme ka arritur në 310, gjersa më shumë se 500 njerëz janë lënduar. Ndër të vdekurit janë të paktën 35 të huaj, përfshirë Danielin dhe Amelian, shkruan Daily Mail, transmeton Reporteri.net.
Ata po hanin mëngjes në restorantin e hotelit kur shpërtheu bomba e parë. Këtij sulmi arritën t’i shpëtonin, megjithatë, kur vrapuan para hotelit, u vranë në një shpërthim tjetër.
Killed as they fled: British brother and sister survived first Sri Lankan terror blast when a suicide bomber struck as they were having breakfast … only to die in second blast in the hotel corridor
via https://t.co/SoLYFq4fjs https://t.co/DyNRfEqQ09— John B Tawn (@27Tawnyowl) April 23, 2019
“Vëllai im dhe motra ime ishin pas meje, ndërkohë që babai im ishte një metër prapa tyre, ata pësuan nga eksplodimi i një bombe tjetër”, tha vëllai më i madh Davidi, 21 vjeçar. Për t’i vështirësuar edhe më shumë gjërat, babai Matthew Lynch duhej të vendoste se cili prej dy fëmijëve të tij të lënduar rëndë do të dërgohej së pari me ambulancë në spital. Në fund ata të dy vdiqën.
Djalin e tij ishte duke e bartur shkallëve të restorantit, ku terroristët kishin në shënjestër turistët e huaj. Vajzën Amelie e la në restorant duke besuar se plagët e saj ishin më pak serioze sesa të Danielit. Gjatë rrugës për në spital, ai u përpoq ta ringjallte djalin e tij, por dështoi. Më vonë ai zbuloi se edhe Amelia po ashtu vdiq nga plagët.
Davidi thotë se i gjithë familja e tij u godit nga ky shpërthim, por ai dhe babai i tij arritën të mbijetonin. Ai rrëfeu se ky udhëtim në Sri Lanka duhet të ishte një udhëtim i paharrueshëm dhe se ata ishin shumë të lumtur dhe të ngazëllyer që do të kalonin kohë së bashku si familje./Reporteri.net