×
  • Lajme
  • Botë

    Vuçiq i shqetësuar: Varianti britanik i coronavirusit është shfaqur në Serbi

    Reporteri
    24 Janar 2021 | 12:45

    Presidenti i Serbisë, Aleksandar Vuçiq, ka deklaruar sot se ministri serb i Shëndetësisë e ka informuar se ka varianti britanik i coronavirusit tashmë ka mbërri në Serbi.


    Presidenti serb ka thënë se “një pasagjere nga Londra, e cila ishte negativ në testin PCR, e solli në Serbi këtë lloj të virusit, burri i saj kishte simptoma të rënda”, tha Vuçiq, duke shtuar se kanë përcjellur të gjitha kontaktet e asaj gruaje dhe u përpoqën t’i izolonin ato.

    Vuçiq deklaroi për televizionin serb “TV Prva” se Serbia nuk mori asnjë vaksinë nga programi Covax, por në mënyrë të pavarur është furnizuar me 1,150,000 vaksina, transmeton Telegrafi.

    “Mali i Zi dhe Bosnja dhe Hercegovina, Maqedonia Veriore dhe Kosova nuk kanë asnjë vaksinë. Shqipëria nuk mori asnjë vaksinë nga programi Covax”, tha Vuçiq.

    Presidenti serb tha se ai mori raporte nga shërbime të shumta sekrete, ku në faqen shtatëdhjetë lexoi në një paragraf se vaksina kineze është më e mira.

    Ai tha se ai pret që 50,000 njerëz të vaksinohen gjatë ditës, por ai është i shqetësuar dhe nuk e fsheh atë, sepse, sipas tij, është shumë e vështirë të marrësh vaksina të reja.

    “Është e vërtetë se jam i shqetësuar dhe nuk e fsheh, sepse sot është më e vështirë të marrësh një vaksinë sesa një armë bërthamore. Gjëra të pabesueshme po ndodhin në botë që ne pjesërisht i parashikuam”, tha Vuçiq./

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!