Twitter’i do t’i shitet Elon Musk-ut, për rreth 44 miliardë dollarë.
Lajmin e ka bërë të ditur vetë kompania këtë të hënë.
Marrëveshja mbyll një cikël lajmesh të stuhishme, në të cilën CEO i Tesla dhe SpaceX u bë një nga aksionarët më të mëdhenj të Twitterit.
Marrëveshja vjen pasi Musk zbuloi javën e kaluar se kishte financuar 46.5 miliardë dollarë për të blerë kompaninë.
Bordi i Twitter u mblodh të dielën për të vlerësuar ofertën e Musk.
Musk tha në Twitter të hënën “shpresoj që edhe kritikët e mi më të këqij të mbeten në Twitter, sepse kjo është ajo që do të thotë liria e fjalës”.