Gjatë ditës së djeshme janë konfirmuar 5 raste të reja me koronavirus në Kosovë, ndërsa, gjatë 24 orëve të fundit, nuk është shënuar asnjë rast i vdekjes.

Aktualisht, numri i rasteve aktive është 104.

Ndryshe, një ditë më parë Ministria e Shëndetësisë dhe Instituti Kombëtar i Shëndetit Publik u ka bërë thirrje qytetarëve që të vaksinohen.

Ministri i Shëndetësisë, Arben Vitia, tha se qytetarët duhet të vaksinohen, në mënyrë që festat t’i festojnë me hare.

Edhe Instituti Kombëtar i Shëndetit Publik u ka bërë thirrje qytetarëve që të vaksinohen.

“Ju lutemi vaksinohuni të gjithë për të qenë të shëndetshëm!”, thuhet në thirrjen e IKSHPK-së.

Ndryshe, në Kosovë janë duke u dhënë dy lloje të vaksinës kundër COVID-19, Pfizer dhe AstraZeneca.

Së fundi, Ministria e Shëndetësisë ka njoftuar qytetarët se kanë të drejtë të zgjedhin se cilin lloj të vaksinës duan të marrin, ndërkohë kanë bërë të ditur se ka doza të mjaftueshme të të dyja llojeve të vaksinave.