Dy persona janë arrestuar në Prishtinë të mërkurën për veprën penale keqpërdorim i pozitës zyrtare dhe marrje e ryshfetit.

Klan Kosova merr vesh se të arrestuarit janë zyrtarë të Departamentit të Patentë Shoferëve në Prishtinë me inicialet E.Zh dhe G.K.

Sipas burimeve të Klanit ata i kanë marrë një kandidateje për pajisje me patentë shoferë 500 euro me qëllim të kryerjes së provimit teorik.

Mësohet se pas kësaj aplikantja e kishte kaluar me sukses provimin, ndërkaq pas publikimit të rezultatit policia i ka ndaluar dy zyrtarët.

Me vendim të prokurorit dy të dyshuarit pas intervistimit janë dërguar në mbajtje prej 48 orësh.