×
  • Lajme
  • Lajme

    214 raste aktive me coronavirus në Kosovë

    Reporteri
    23 Maj 2020 | 8:26

    Mbrëmë në Kosovë janë regjistruar edhe 21 raste të reja me koronavirus, ndërsa vetëm 10 persona janë shëruar.


    Kështu, të dhënat e 24 orëve të fundit, e rrisin numrin e rasteve aktive në Kosovë përsëri mbi 200.

    Deri më tani, përgjithësisht në Kosovë janë regjistruar 1025 raste me koronavirus, 782 prej të cilave janë shëruar, ndërsa 29 kanë përfunduar me vdekje.

    Në anën tjetër, Kosova ka proceduar me fazën e dytë të lehtësimit të masave, derisa pritet që më 1 qershor të vijojë edhe faza e tretë e hapjes së shtetit.

    Kështu, aktualisht në Kosovë janë 214 raste aktive, përderisa sonte në një intervistë, drejtori i Institutit Kombëtar të Shëndetësisë Publike ka thënë se rënia e rasteve është e ngadaltë, por e sigurtë.

    Kosova kishte një bilanc jashtëzakonisht të mirë para rreth dy javësh në luftën kundër koronavirusit, por në dy javët e fundit bilanci pozitiv ka ngecur.

    Mbetet të shihet ditët në vazhdim se si do të jetë situata epidemiologjike dhe si do të ndodh lehtësimin i masave të tjera.

    Komunikata e IKSHPK-së për natën e sotme dhe të dhënat e përgjithshme:

    NJËZET E NJË RASTE ME COVID-19 DHE DHJETË TË SHËRUAR!

    Sot më 22 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 267 mostra të marra nga Klinika Infektive dhe gjurmimi i kontakteve të rasteve në terren.

    Me SARS-CoV-2, janë konfirmuar 21 raste.

    Rastet pozitive janë raste kontakti nga: komuna e Prizrenit 19 raste (sipas vendbanimit:15 raste Prizren, 1 rast Romajë, 1 rast Lubiçevë, 1 rast Kijevë dhe 1 rast Nashec) dhe nga komuna e Suharekës 2 raste (sipas vendbanimit:1 rast Bllacë dhe 1 rast Suharekë).

    Sot më 22 maj 2020, janë shëruar 10 pacientë derisa numri i përgjithshëm i të shëruarve deri më sot është gjithsej 782 raste.

    Nga data 08 shkurt deri më 22 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 12.818 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.025 raste, me gjithsej 29 raste të vdekjes të cilët kanë pasur sëmundje të tjera shoqëruese.

    Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome.

    Në nivel global, nga data 31 dhjetor 2019 deri më 22 maj 2020 sipas Worldometers, janë raportuar gjithsej 5.263.085 raste të COVID-19 dhe 337.813 raste të vdekjes.

    QYTETARË TË NDERUAR!

    JU LUTEMI TË RESPEKTONI MASAT E SHPALLURA TË PARANDALIMIT NGA INSTITUTI KOMBËTAR DHE MINISTRIA E SHËNDETËSISË!
    RUAJENI SHËNDETIN TUAJ!
    PAKUJDESIA KUSHTON ME JETË!

    AKOMA NUK KA KALUAR RREZIKU, ANDAJ

    QËNDRONI NË SHTËPI, KJO UA SHPËTON JETËN!
    MBANI DISTANCË FIZIKE PËR SË PAKU 2 METRA!
    NA NDIHMONI PAK QË TË JU NDIHMOJMË SHUMË!

    Ju faleminderit për mirëkuptim!.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!