Kryetari i Lidhjes Demokratike të Kosovës, Lumir Abdixhiku, ka pritur sot në takim Ambasadorin e Suedisë në Kosovë, Jonas Ëesterlund, me të cilin ka folur për krizën institucionale ne të cilën ndodhet Kosova.

Abdixhiku ia ka prezantuar ambasaodorit suedez propozimin e tij për qeveri të tranzicionit, duke thënë se kjo është rrugëdalja më e mirë nga kriza, shkruan Reporteri.net..

“Kryetari Abdixhiku theksoi se bllokada e krijuar institucionale është e papranueshme, po dëmton rëndë jetesën e qytetarëve si dhe po pengon funksionimin normal të shtetit. Ai vlerësoi se kjo gjendje e tejzgjatur, në mbledhje të Kuvendit për të 15-tën herë duke pritur rezultatin e njëjtë, e vështirëson jetën e përditshme të qytetarëve dhe minon besimin në institucionet e Republikës së Kosovës.

Kryetari Abdixhiku ritheksoi se alternativa e propozuar nga LDK është rrugëdalja më e mirë nga kriza institucionale, dhe se Kosova ka nevojë sa më shpejtë për institucione funksionale dhe për një orientim të qartë drejt normalitetit demokratik”, thuhet në njoftim.

Qeveria e propozuar nga Abdixhiku do të kishte mandat deri në zgjedhjen e Presidentit./Reporteri.net