Abelard Tahiri nga PDK, ministër në detyrë i Drejtësisë thotë se partia e tij tërësinë e çështjeve të politikës e sheh përmes tërësisë së çështjeve të individit.

Ai thotë se me Veselin kryeministër do të ndërtohet e ardhmja për shtetin, shkruan Reporteri.net.

Postimi i Tahirit:

PDK-ja sot, tërësinë e çështjeve të politikës e sheh përmes tërësisë së çështjeve të individit. Prandaj të ardhmen po e ndërtojmë e do ta ndërtojmë jo vetëm për shtetin dhe shoqërinë si tërësi, por për gjithsecilin si individ.

Ky mesazh po ndjehet fuqishëm në secilën pjesë të Kosovës, qytet, lagje e shtëpi e veçmas në Prishtinë. Dje Dardania, Kolovica dhe Aktashi ishin pjesë e këtij mesazhi, pjesë e fitores së radhës së PDK-së dhe vizionit të Kryeministrit në ardhje z. Kadri Veseli.

Bashkërisht po e ndërtojmë të ardhmen, për shtetin dhe gjithsecilin, kudo në Kosovë, e më fuqishëm se kurrë, në kryeqytetin tonë, Prishtinën. /Reporteri.net/.