×
  • Lajme
  • Lajme

    Afër 2 mijë të vdekur nga COVID-19 deri më tani në Kosovë

    Reporteri
    09 Prill 2021 | 9:23

    Më 13 mars të vitit të kaluar në Kosovë u paraqitën dy raste e para pozitive me COVID-19. Nga atëherë e deri më sot 96 mijë e 212 qytetarë janë infektuar me këtë virus, ndërsa 1 mijë e 960 të tjerë kanë vdekur.


    Sipas raportit të Institutit Kombëtar të Shëndetësisë Publike të Kosovës (IKSHPK) aktualisht në vend janë 14 mijë e 120 raste aktive me COVID-19.

    Gjatë 24 orëve të fundit pozitiv kanë rezultuar 871 raste, kurse janë raportuar 12 raste të vdekjes.

    “Gjatë 24 orëve të fundit, janë shëruar 642 pacientë derisa numri i përgjithshëm i të shëruarve deri më sot është gjithsej 80.132 raste, kurse numri i rasteve aktive është 14.120”, ka njoftuar IKShPK.

    Prishtina mbetet komuna me numrin më të madh të rasteve pozitive COVID-19. Kujtojmë se që nga data 7 prill kanë hyrë në fuqi masat e reja për mbrojtje nga COVID-19, masa këto të cilat do të zgjasin deri më 18 prill 2021. Me këto masa ndalohet qarkullimi i qytetarëve nga ora 22:00-05:00.

    Ndryshe procesi i vaksinimit të qytetarëve është duke vazhduar. Dje ka filluar vaksinimi i personave mbi moshën 85 vjeç.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!