AGK: Gazetarët vazhdojnë të rrezikohen gjatë raportimeve në veri të Kosovës

Lajme

AGK: Gazetarët vazhdojnë të rrezikohen gjatë raportimeve në veri të Kosovës

Reporteri

10 Dhjetor 2022 | 21:28

Asociacioni i Gazetarëve të Kosovës është shprehur i shqetësuar për rrezikun e vazhdueshëm me të cilin ballafaqohen ekipi i gazetarëve gjatë raportimeve në Veri.

AGK ka dënuar shpërthimin që ndodhi në afërsi të ekipit të gazetarëve të RTV Dukagjinit, teksa po raportonin për situatën në veri të Kosovës, shkruan Gazeta Online Reporteri.net.

“Ky është sulmi i dytë brenda dy ditësh ndaj ekipeve të cilat po raportojnë nga veriu i Mitrovicës. Andaj, AGK-ja u bënë sërish thirrje institucioneve kompetente që të marrin masa për të siguruar gazetarët gjatë raportimeve të tyre”, thuhet në reagim. /Reporteri.net/.

Lexo edhe:

Ambasada e ShBA-së: Dhuna në familje s’është çështje private, mos duroni, raportojeni

Lajçak komenton raportimet se Pahor do t’ia zë vendin: Është shumë i interesuar për rajonin

Prokuroria ia shmang dy vepra penale të dyshuarit për vrasjen e 21-vjeçares në Ferizaj

Mjeti shpërthyes plasë në afërsi të gazetares në Rudarë, publikohen pamjet e momentit të frikshëm

Reagimi i plotë:

Gazetarët vazhdojnë të rrezikohen gjatë raportimeve në veri të Kosovës

Asociacioni i Gazetarëve të Kosovës shpreh shqetësimin për rrezikun e vazhdueshëm që po u kanoset gazetarëve, kameramanëve dhe fotoreporterëve gjatë raportimeve të tyre nga veriu i Kosovës.

Gjatë orëve të vona të ditës së sotme, në ndërkohë që po raportonin për situatën në veri, një eksploziv shpërtheu fare pranë ekipit të RTV Dukagjinit. Përgjatë raportimit të drejtpërdrejtë të gazetares, Doruntina Bylykbashi, shihet dhe dëgjohet shpërthim i madh.

Ky është sulmi i dytë brenda dy ditësh ndaj ekipeve të cilat po raportojnë nga veriu i Mitrovicës. Andaj, AGK-ja u bënë sërish thirrje institucioneve kompetente që të marrin masa për të siguruar gazetarët gjatë raportimeve të tyre.

Shpërndaje: