AGK: Shefi i stafit të Presidentes Osmani po përhapë urrejtje dhe sulme ndaj gazetarëve

Asociacioni i Gazetarëve të Kosovës ka kritikuar qasjen e shefit të stafit të presidentes Vjosa Osmani, Blerim Vela ndaj mediave.


AGK përmes një reagimi thotë se shefi i stafit të Presidentes Osmani po përhapë urrejtje dhe sulme ndaj gazetarëve.

AGK e ka ftuar Presidenten Osmani që të distancohet dhe të përkujdeset që sulme të tilla të mos përsëriten nga zyra e saj.

Reagimi i AGK-së:

Asociacioni i Gazetarëve të Kosovës ka ndjekur me shqetësim sulmet e vazhdueshme ndaj mediave që vijnë zyra e Presidentes së Kosovës, Vjosa Osmani. Këshilltari i saj, Blerim Vela disa herë ka përdorur gjuhë dengiruese duke i etiketuar mediat si “të ish-regjimit Pronto”.

AGK konsideron se kjo gjuhë është linçuese dhe që shërben për përhapjen e urrejtes dhe sulmeve ndaj gazetarëve dhe mediave në Kosovë.

Duke ardhur nga zyra më e lartë e shtetit, këto veprime të zotit Vela ndikojnë në frikësimin e gazetarëve dhe krijimin e një ambienti të pasigurtë për punën e tyre.

AGK-ja e fton Presidenten Osmani që të distancohet dhe të përkujdeset që sulme të tilla të mos përsëriten nga zyra e saj.