Kryetari i Prishtinës, Shpend Ahmeti, ka bërë të ditur përqindjen se sa fëmijë në Kosovë prej moshës 1-5 vjeç nuk kanë asnjë libër në shtëpi dhe se sot kanë filluar procedurat e prokurimit për projektin e ndërtimit të Qendrës Kulturore për të Rinj dhe Bibliotekës në lagjen Kodra e Trimve
Ahmeti ka thënë se duhet investimi në infrastrukurë dhe aktivitete, që librat dhe leximi të bëhen pjesë e përditshmërisë në shoqëri
“Mbi 50% e fëmijëve të moshës 1 deri 5 vjeç nuk e kanë asnjë libër ?në shtëpi!
Pra, leximi si temë dhe libri si mjet i marrjes së dijës nuk është i instaluar ende në të gjitha shtresat e shoqërisë sonë.
Prandaj, duhet vazhduar investimi në infrastrukturë dhe aktivitete, që librat dhe leximi të bëhen pjesë e përditshmërisë në shoqëri, duke ofruar mundësi të barabartë për të gjithë qytetarët në komunitetet e tyre.
Sot kanë filluar procedurat e prokurimit për projektin e ndërtimit të Qendrës Kulturore për të Rinj dhe Bibliotekës në lagjen Kodra e Trimve.Ky projekti është pjesë e bashkëpunimit të Drejtorisë së Kulturës dhe Universitetit UBT. Projekti kryesor është donacion nga Studio G+A Architects udhëhequr nga Arbër Sadiki, kurse ideuar nga Rilind Sadiku”, shkruan Ahmeti në Facebook.