Aksident në Gjilan, katër persona përfundojnë në spital

Një aksident ka ndodhur pak para orës 7:00 në dalje të Gjilanit dhe janë lënduar katër persona, por njëri prej tyre më rëndë.


Këtë e ka konfirmuar zëdhënësi i Policisë së Kosovës për rajonin e Gjilanit, Ismet Hashani, i cili ka thënë se personi i lënduar më rëndë është dërguar në QKUK, por është jashtë rrezikut për jetë.

“Aksidenti ka ndodhur në orën 07:00 të mëngjesit në dalje të Gjilanit, ku janë lënduar 4 persona, njëri prej tyre më rëndë. Tre kanë lëndime të lehta dhe janë lëshuar për në shtëpi e tjetri është dërguar në QKUK, por nuk është në rrezik për jetë”, ka thënë Hashani.

Ai tha se aksidenti ka ndodhur në mes të dy veturave.