Aksident në Suharekë, lëndohen 3 persona

Një aksident i rëndë komunikacioni ka ndodhur sot në hyrje të Suharekës, ku si pasojë e kësaj tre persona kanë pësuar lëndime trupore.


Rastin për Reporteri.net e ka konfirmuar Shaban Osmanollaj, zyrtar në Policinë Rajonale të Prizrenit.

“Aksidenti ka ndodhur ndërmjet dy automjeteve lokale në rrugën Prizren-Suharekë. Në hyrje të Suharekës. Tre persona janë dërguar në emergjencë. Ende nuk dihet shkalla e lëndimit. Aksidenti është me dëme materiale”, ka thënë Osmanollaj. /Reporteri.net/.