Drejtori i Gazetës Online “Reporteri.net”, Bekim Kabashi ka thënë se kryeministri Albin Kurti po e shfrytëzon rastin që shumica e ambasadave janë në pushim të bëjë ndryshimin e Ligjit Për Zgjedhjet.
“ Të gjitha ambasadat relevante në pushim deri të martën, shkaku i festës së Pashkëve katolike.
A po e shfrytëzojë Kurti e Osmani këtë vakum që në fundjavë, pa asnjë paralajmërim ta ndryshojnë Ligjin për Zgjedhjet, për t’i lejuar diasporës të votojë nëpër ambasada e konsullata, e edhe ta dërgojnë vendin në zgjedhje të jashtëzakonshme, pasi me ngut po e procedojnë edhe zgjedhjen e Presidentit, pa u brengosur nëse i kanë votat e nevojshme apo jo”, ka shkruar ai.
Qeveria e Kosovës akuatlisht është duke e mbajtur një mbledhje në të cilën synon të bëjë ndryshimin Ligjit për Zgjedhjet dhe t’ua mundësojë qytetarëve të Kosovës të cilët jetojnë jashtë vendit që të votojnë në ambasadat e vendeve përkatëse.