Kosnett godet partitë që kanë kandiduar persona të dënuar dhe me aktakuza në lista zgjedhore.

Ambasadori i Shteteve të Bashkuara të Amerikës në Kosovë, Philip Kosnett, me anë të një shkrimi në rrjetin social Twitter ka thënë se qytetarët nuk mund të marrin seriozisht partitë politike që kanë vendosur persona me të kaluar kriminale në listat për deputetë.

“Si ka mundësi që qytetarët të marrin seriozisht përkushtimin e partive për sundim të ligjit kur ato kanë futur në listat për kandidatë individë me aktakuza aktive, dënime për krime lufte dhe sulmet, dhe të sanksionuar ndërkombëtarisht për krime të luftës dhe korrupsion”, ka shkruar Kosnett.