×
  • Lajme
  • Lajme

    Sarrazin: Ka ardhur koha që të fillojnë diskutimet për Asociacionin

    Reporteri
    17 Nëntor 2022 | 9:10
    Emisari gjerman për Ballkanin Perëndimor, Manuel Sarrazin

    Manuel Sarrazin, emisari i emëruar për Ballkanin Perëndimor nga kancelari gjerman Olaf Scholz, ka thënë se është koha që të fillojnë diskutimet për Asociacionin e Komunave me shumicë serbe, derisa pati një thirrje edhe për Qeverinë e Kosovës.

    Në një intervistë për RTK-në, Sarrazin duke folur për çështjen e targave, theksoi se situata është e tensionuar.

    Ky i fundit, shtoi se Qeveria e Kosovës ka të drejtë të gjejë zgjidhje, por “nuk duhen vetëm parimet”.

    “Ne besojmë se Qeveria e Kosovës ka të drejtë të zgjidhë çështjen e targave të veturave, por nuk na duhen vetëm parimet”, tha Sarrazin.

    Tutje, ai përmendi edhe Asociacionin. Sipas emisarit gjerman, kjo është çështje për të cilën duhet të fillojnë diskutimet dhe se Qeveria duhet të tregojë që nuk është “temë tabu”.

    “Në anën tjetër, Asociacioni i komunave me shumicë serbe është çështje e dialogut, dhe është koha e duhur për të filluar bisedimet për të nxjerrë konceptet kryesore, që të tregohet që nuk është temë tabu që Qeveria ta diskutojë”, deklaroi ai.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!