Një rast i dhunës në familje ka ndodhur të martën në Fushë Kosovë.

Policia e Kosovës ka njoftuar se një person në Fushë Kosovë është arrestuar për dhunë në familje.

Sipas njoftimit, i dyshuari pas një mosmarrëveshjeje që kishte me të fejuarën e tij, shtetase e Shqipërisë, e ka sulmuar fizikisht duke i shkaktuar lëndime trupore, shkruan lajmi.net.

Siç bëhet e ditur, viktima pas këtij sulmi fizik ka marrë edhe tretman mjekësor.

Mirëpo, me vendim të prokurorit i dyshuari lirohet në procedurë të rregullt. /Reporteri.net/.